Dutch Caribbean Nature Alliance (DCNA) su stazjèr di investigashon, Nina Zander (studiante pa título di master na Universidat di Utrecht), ta hasi un investigashon kon resiliente òf fleksibel kas di famianan ta, pa loke ta trata e debilidatnan ku kambio di klima na Boneiru ta krea. Ehèmpelnan di e sorto di debilidatnan akí, ta orkannan, inundashonnan i sekuranan. Pa por studia esaki Nina tin mester di sierto informashon tokante e kas di famianan na Boneiru. Pa esaki e ta pidi yudansa di habitantenan di Boneiru pa yena un lista di pregunta digital ku ta disponibel tantu na hulandes, ingles, papiamentu komo na spañó. E informashon anónimo lo kondusí na un mihó komprendementu di e debilidatnan di kas di famianan pa relashoná ku kambio di klima. E informashon akí por kontribuí na hasi e kas di famianan mas resiliente òf fleksibel. Ademas e partisipantenan ta haña oportunidat pa gana premionan interesante.
Grupo meta
Habitantenan di Boneiru ku tin un sédula.
Loke ta mas fásil ta ora ku e persona ku ta tuma (mayoria) di desishon den e kas di famia, ta yena e lista di pregunta òf ta den besindario ora un otro ta kontestá e preguntanan. Un persona so den kas ta conta manera un kas di famia di un persona.
Pa motibu ku Nina ta investigá kas di famia, ta importante ku un solo persona pa kas di famia ta yena e lista di pregunta.
Na momentu ku tur dato ta kla, Nina ta analisá esakinan. Ademas ta hinka e sèt di dato den e banko di informashon di biodiversidat Dutch Caribbean Biodiversity Database (https://www.dcbd.nl/). Ta importante pa ta na altura ku no ta kompartí ningun dato ku por identifiká abo personalmente ku ningun persona. Pues bo datonan ta keda anónimo.
Premionan
Banda di e echo ku bo ta kontribuí na e investigashon, ta rifa bou di e personanan ku ta yena e lista di pregunta, e siguiente premionan:
- 1x dos estadia pa pasa nochi pa dos persona na Casa Calexico
- 1x bai sambuyá bou di guia, pa dos persona na FPA sports inkluso ekipo di buseo di Wannadive
- 1x un lès di baile na Dance & More Bonaire
Lista di pregunta
Bo ke yuda i bai partisipá den sorteo di e premionan interesante akí?
E ora ei yena e lista di pregunta online promé ku 8 juni. E lista di pregunta ta tuma solamente 10 minüt pa yena. Akibou tin e lenk pa yega na e lista di pregunta na diferente idioma.
Lista di pregunta na:
Pregunta?
Si ainda bo ke hasi pregunta promé òf despues ku bo a yena e lista di pregunta? Òf partisipá algu? E ora ei por manda un mensahe di imeil pa nina.p.zander@gmail.com
