Mayor proteccion pa Bida Silvestre di Caribe bou di Protocol SPAW 

All DC islands

E Protocol pa Area y Bida Silvestre specialmente Proteha (Protocol SPAW), un componente integral di Convenio di Cartagena, ta forma un cuadro crucial dedica na salvaguarda biodiversidad dentro di e region di Gran Caribe. Anuncio reciente dentro di Protocol SPAW a extende proteccion adicional na seis especie, nomina pa Reino Hulandes y Republica di Francia, marcando un paso notabel pa e esfuersonan di conservacion. 

Protocol SPAW 

Convenio di Cartagena ta sirbi como cuadro regional destina pa preserva biodiversidad den Region di Gran Caribe. E Partinan di e Convencion, incluyendo Aruba, Corsou, Sint Maarten, (tanto como e islanan di Caribe Hulandes Boneiro, San Eustatius y Saba), a compromete nan mes pa defende Protocol SPAW, un acuerdo legal regional fundamental. 

Gutu – one of the species which got increased protection under the SPAW protocol. credito di potret: Marion Haarsma- all rights reserved. 

Protocol SPAW ta clasifica e especienan den e Anexonan I, II y III. Anexonan I y II ta abarca especie di mata y animal den peliger of menasa, y ta exigi e nivel mas halto di proteccion, mientras cu anexo III ta inclui especie cu ta rekeri medida di proteccion, aunke no asina estricto manera e dos prome anexonan. 

E sistema di clasificacion aki ta un parti integral pa guia e esfuersonan di conservacion. E especienan di Anexo I y II ta beneficia di un proteccion integral, prohibiendo comercio y destruccion of matansa di e especienan aki, mescos cu e responsabilidad di adopta medida pa sigura recuperacion di e especienan aki. E especienan di Anexo III ta inclui medida regula cu e meta di recupera e especienan menasa y den peliger di extincion. 

​ E especienan 

A agrega cuater especie na Anexo II: Manta Raya Gigante, Yuwana di Antia Menor, Tiburon di Ocean Punta Blanco y Tiburon Bayena. E status nobo aki ta nifica cu ta prohibi pa captura, posee, mata of comercialisa e especienan aki y nan productonan. E inclusion nobo den Anexo III ta inclui tiburon di rif di Caribe y gutu como grupo di especie. Anexo III, aunke no ta asina restrictivo, ainda ta exigi medida pa garantisa proteccion y recuperacion di e especienan inclui den e lista. Ademas, nan a realisa actualisacion na e Plan di Accion di Mamiferonan Marino pa Conservacion di Mamal di lama den e region di Gran Caribe. Esaki a keda dicidi den e ultimo Conferencia di e Partinan di Convenio di Cartagena (COPS) cu a tene den luna di october na Aruba. 

Tiburon Bayena– one of the species which got increased protection under the SPAW protocol. credito di potret: Sebastian Pena Lambarri– all rights reserved. 

Ademas, ta consulta e normanan y reglamentonan local cu e respectivo Organisacion di Maneho di Area proteha of Gobierno local. Por ehempel, na Aruba y Boneiro ta prohibi pa captura, mata, herida of molesta gutu. Ademas, tur e especienan di tiburon ta completamente proteha den Santuario di tiburon y mamifero di lama Yarari di Caribe Hulandes. 

Sigurando un futuro sostenibel 

Participacion di Caribe Hulandes den Protocol SPAW ta ofrece beneficio cu ta inclui esfuerso di conservacion fortaleci, colaboracion internacional, miho maneho di recurso y cumplimento di compromisonan  internacional, loke ta contribui na desararoyo sostenibel y e resiliencia ecologico di e region. 

 

DCNA 

Dutch Caribbean Nature Alliance (DCNA) ta sostene comunicacion (cientifico) y  divulgacion den region di Caribe Hulandes door di percura cu e informacion cientifico relaciona cu naturalesa ta ampliamente disponibel a traves di entre otro, Dutch Caribbean Biodiversity Database, e plataforma di noticia BioNews di DCNA y prensa. DCNA no ta responsabel pa e contenido y e impactonan indirecto cu resulta di e publicacion di e articulo aki. 

 

Would you like to contribute to BioNews
by sharing your news item?

Contact DCNA

Enjoying (Bio)News?

Stay up to date with our monthly digital newsletter which covers all the latest environmental news coming from the Dutch Caribbean.

Enter your email below to sign up!

Or follow us on Facebook