DCNA su prome gran concurso bibo di naturalesa - Edicion pa adulto

All DC islands

Wega dibertido online tocante bestia den Caribe Hulandes

Diabierna dia 2 di juli, Dutch Caribbean Nature Alliance (DCNA) a organisa su prome Big Live Nature Quiz pa adulto di Aruba, Boneiro, Corsou, Saba, St. Eustatius y St. Maarten. Un total di 39 ekipo / 100 + miembro di ekipo cu ta consisti di 1-4 hungado a participa na e quiz online, bibo y interactivo. Despues di hopi ronda di pregunta excitante y emocionante tocante naturalesa,  un ekipo di Bonairo a sali ganado. E di dos luga a bay pa un ekipo di  Aruba y e di tres luga a bay pa un otro ekipo di Boneiro.

E quiz divertido aki ta na Ingles, pero tambe e preguntanan lo tin subtitulo na Hulandes y na Papiamentu.

E Big Live Nature Quiz online a wordo crea pa educa e ciudadanonan tocante naturalesa na un manera interactivo divertido, pa inspira orguyo pa naturalesa di e islanan, fomenta practica ecologico, sostene e proyecto di conservacion di parke y conecta e personanan den henter Caribe Hulandes.

Quiz gratis anualmente pa adulto y mucha

Meta ta pa haci esaki esaki un evento anual tanto pa adulto como pa mucha. Na aña 2020 a lansa e  prome edicion pa mucha. Pa aña 2021, e edicion infantil ta planea pa cuminsamento di october. Keda pendiente pa bo proximo oportunidad pa siña mas tocante naturalesa di Caribe Hulandes.

Quiz bibo y interactivo

Boneiro: Participante di concurso Big Live Nature Quiz di DCNA kendenan ta lesa atentamente e preguntanan na Hillside-Boneiro.

E ekiponan tambe por a participa cu famia y amigo online for di nan cas desde Aruba, Boneiro, Corsou, Saba, St. Eustatius y St. Maarten.

E ekiponan por a participa na dos manera. A invita e ekiponan pa hunga for di nan cas /online cu amigo y famia of pa join na un di e luganan di transmision.

E Quiz tabata online y bibo. Pa e motibo ey, tur e ekiponan di e islanan di Caribe Hulandes por a participa na mes momento y por a interactua cu otro y cu e anfitrion di e programa.

E luganan di transmision tabata inclui Hillside na Boneiro, Long Haul na Saba y Dinghy Dock Sailors Bar na St. Maarten. Un gran agradecimento a estos establecimento hunto cu STINAPA Boneiro, CARMABI y Corsou, Aruba National Park Foundation, Saba Conservation Foundation (SCF), STENAPA na St Eustatius y Nature Foundation Sint Maarten (NFSXM) pa nan apoyo na e evento aki.

Tema: Bestia di Caribe Hulandes

BLNQ a consisti di 35 pregunta di escogencia multiple cu e siguiente categorianan: Bestia di lama, Bestia di tera, zonido den naturalesa, besta special di e islanan, tambe hende y naturalesa. Tabatin un descanso cortico memey pa tuma algo di come y bebe y despues a sigui cu e di dos mita.

E ganadonan

Durante e quiz interactivo y bibo, e ekiponan por a sigui nan puntuahe. Despues di cinco rond competitivo, a anuncia e ganadonan. E prome luga cu un puntuacion di 293 a bay pa Jonkers di Boneiro. Nan lo ricibi un trip riba barco/ snorkel rond di nan bunita isla. E di dos y di tres luga a bay pa Mini’s Butlers (puntuacion 259) di Aruba y Gwen & Dunc (puntuacion 254) di Boneiro respectivamente. Nan lo ricibi t-shirt y pechi cu e logo di Big Live Nature Quiz. Pabien na nan tur. 

“Mi a gusta el quiz! M a gusta specialmente e categora Zonidos den Naturalesa, pasobra e tabata diferente di cualkier otro categoria di quiz cu mi a yega di hunga. Bon trabou!” Participante di Long Haul na Saba

No perde e proximo gran concurso bibo tocante naturalesa

Check Facebook di DCNA (Dutch Caribbean Nature Alliance), Instagram (DCNAnature) of BigLiveNatureQuiz.org pa obtene mas informacion y potret di e evento. Si bo tin cualke pregunta, bo por manda un e-mail na info@DCNAnature.org of bo por yama na + 599-717-5010.

Big Live Nature Quiz ta financia generosamente pa Ministerio di Agricultura, Naturalesa y Calidad di Alimento (LNV) y e actividadnan di DCNA ta conta cu apoyo di Loteria di codigo postal Hulandes.

Would you like to contribute to BioNews
by sharing your news item?

Contact DCNA

Enjoying (Bio)News?

Stay up to date with our monthly digital newsletter which covers all the latest environmental news coming from the Dutch Caribbean.

Enter your email below to sign up!

Or follow us on Facebook