Reportá bo opservashon ora a mira espesienan

All DC islands

E islanan di Hulanda Karibense ta kas pa diverso ekosistema ekstraordinario denter di e Reino Hulandes: di ref di koral bírgen te na mondi tropikal den montaña poko komun; e mundu di naturalesa espektakular di e islanan akí ta kontené espesie ku no por haña mas riba nos planeta. Siudadanonan por yuda e organisashonnan di konservashon di naturalesa i outornan di dokumento di maneho dor di reportá espesienan di bestia i mata di laman i di tera riba e wèpsait dutchcaribbean.observation.org.

Siudadanonan Por Yuda Reportá Espesienan di Animal i Mata

Dutchcaribbean.Observation.org ta un wèpsait online grátis pa registrá tur opservashon ku a mira tur sorto di espesie. Tur hende por registrá i manda su opservashonnan di loke a mira i e plataforma akí ta disponibel na mas ku 40 idioma. Ta tradusiendo e plataforma akí na papiamentu. Observation.org ta ofresé tambe App grátis pa iPhone (iObs) & Android (ObsMapp). E reportahenan di espesie di parti di komunidat lokal ta hopi balioso pa e organisashonnan di konservashon di naturalesa i e outornan di dokumento di maneho, pa por siña konosé i protehá e espesienan riba nos islanan.

Kontribushon di pòrtrèt

Observation.org ta trahando huntu ku DCNA i Naturalis Biodiversity Center riba un programa digital pa outomatisá identifikashon di espesie. Bo pòrtrètnan ku bo manda pa nos ta di gran balor pa hasi esaki posibel.

Start awe!

Kuminsá awe pa kolekshoná un banko grandi di biodiversidat pa Hulanda Karibense.

Pa bo kuminsá:

  1. registrá ku bo nòmber kompletu riba: https://observation.org/registreer.php
  2. wak e video ku ta splika kon pa manda opservashon di loke a mira https://www.youtube.com/watch?v=xGksc6xHrd4
  3. baha e app pa medio di App Store / Google Play. Ora ku a kaba di instalá e app baha e lista di espesie pa e pais ‘Dutch Caribbean
  4. hasi uso di bo akount personal pa por login online anto den e app
  5. Kuminsá ku graba bo opservashon di loke a mira!

Si tin kualke pregunta, por fabor no keda sin tuma kontakto ku nos na research@DCNAnature.org

Would you like to contribute to BioNews
by sharing your news item?

Contact DCNA

Enjoying (Bio)News?

Stay up to date with our monthly digital newsletter which covers all the latest environmental news coming from the Dutch Caribbean.

Enter your email below to sign up!

Or follow us on Facebook