Dutch Caribbean Nature Alliance (DCNA) ta ekstendé un bonbiní kaluroso na nan empleado mas nobo, Frédérique van Randwijck, kende a djòin nan tim entrante 1 di òktober 2022 pa sirbi komo un Empleado di Manager di relashon. Huntu ku DCNA su Komitiva di Rekoudá Fondo, partnernan lokal i stakeholdernan, e lo desaroyá plannan stratégiko pa rekoudá fondo pa konservashon di naturalesa na Karibe Hulandes. 

Frédérique ta trese un makutu riku di eksperensia kuné den e tim. Pa hopi aña el a fungi komo konsehero di maneho na e Ministerio di Asuntu Interno i Relashon denter di Reino (Kuerpo di Bombero) i e Ministerio di Hustisia (Instituto Hubenil i Protekshon Hubenil).  

Pashon pa Konservashon di Naturalesa 

Frédérique van Randwijck, Fundraising Officer nobo di DCNA

Na 2016, Frédérique a kuminsá ku un karera nobo komo manager di Tene Buki i di Rekoudá fondo pa World Wildlife Fund for Nature (WWF).  Aki el a profundisá su pashon pa konservashon di flora ku founa i naturalesa. Esaki eventualmente a tres’é na akseptá un puesto internashonal na WWF Zambia, kaminda el a biba i traha komo konsehero na Lusaka di 2021- 2022. 

Laso ku Karibe 

Echo ta ku esaki no ta Frédérique su promé introdukshon na DCNA, el a fungi kaba komo miembro di direktiva di DCNA den e último dos aña. Suerte a trese e nesesidat di DCNA pa un Empleado di Rekoudá Fondo èkstra huntu den tempu, ku Frederique su deseo pa drenta un aventura nobo.  

“Ami tin hopi gana di bai drenta den profundidat di e parti bunita akí di mundu i ta ansioso pa traha huntu ku partner, stakeholder i kolega pa sigurá ku su bunitesa pa e generashon di presente i di futuro” ta Frederique su komentario tokante su funshon nobo. 

Frédérique lo bai traha den forma estrecho ku e otro Empleado di Rekoudá Fondo di DCNA, Maartje de Jonge. 

Tokante  DCNA 

DCNA ta un organisashon non-profit ku a krea pa protekshon di medioambiente natural i ta promové maneho duradero di rekurso natural, tantu riba tera komo den awa, riba e seis islanan di Karibe Hulandes. DCNA su mishon ta salbaguardiá naturalesa den Karibe Hulandes dor di yuda i asistí e Organisashonnan di Área Protehá ku Maneho. Dor di krea un bos unifiká, yuda sigurá fuente di fondo, kompartí rekurso, abilidat i eksperensia i promové material di edukashon pa públiko i konsiensia públiko, DCNA por fortifiká e ret di kontakto i sostené inisiativa di konservashon di naturalesa rònt Karibe Hulandes. 

DCNA ta kontentu di por yama Frédérique bonbiní i ta ansioso pa bai hasi uso di e rikesa di konosementu ku e ta kontribuí na e tim.