DCNA ta yama Bonbini na Oficial di Recaudacion di Fondo nobo 

Dutch Caribbean Nature Alliance (DCNA) kier a duna nan miembro di team mas nobo, Frédérique van Randwijck, kende dia prome di oktober di aña 2022 a join e team como oficial di gerente di relacion un caluroso bon bini. Hunto cu Comite di Recaudacion di Fondo di DCNA, socio local y stakeholders, e lo desaroya plan strategico pa recauda fondo pa conservacion di naturalesa den Caribe Hulandes. 

Frédérique ta trece un rikesa di experiencia d e team. Durante hopi aña e tabata consehera di maneho na Ministerio di Asunto Interior y Relacion di Reino (Servicio di Bombero di Hulanda) y Ministerio di Husticia (Institucion Hubenil y Proteccion Hubenil). Pasion pa conservacion  

Frédérique van Randwijck, Fundraising Officer nobo di DCNA

Na aña 2016 Frédérique a inicia un carera nobo como account y fundraiser manager y di recaudacion di Wildlife Fund for Nature (WWF). Tabata aki cu su pasion pa conservacion, bida silvestre y naturalesa a bira mas profundo. Esaki eventualmente a conduci cu el a accepta un puesto internacional cu WWF Zambia, na unda el a biba y traha na Lusaka como consehero di recaudacion di fondo di aña 2021 pa aña 2022. 

Enlace cu Caribe 

Esaki no ta e prome introduccion di Frédérique na DCNA, de facto, el a sirbi como miembro di Hunta di Directiva di DCNA durante e ultimo dos añanan. Timing casual a trece e necesidad di DCNA di un oficial di recaudacion di fondo adicional riba mes un liña cu e deseo di Frederique pa un aventura nobo. 

“Mi ta ansioso pa sumergi mi mes mas profundo den e bunita parti di mundo aki y mi ta spera di traha hunto cu socio, stakeholders y colega pa asegura su beyesa pa e generacionnan di awor y di futuro.” Frederique a declara. 

Frédérique lo traha den estrecho colaboracion cu e otro oficial di recaudacion di fondo di DCNA, Maartje di Jonge. 

Tocante DCNA 

Tocante DCNA y Loteria di Codigo Postal 

DCNA ta un organisacion no lucrativo crea pa proteha ambiente natural y pa promove maneho sostenibel di recurso natural, tanto riba tera como den lama, den e seis islanan di Caribe Hulandes. E mision di DCNA ta pa salvaguarda naturalesa den Caribe Hulandes y pa yuda y duna sosten na e Organisacionnan di Maneho di Area Proteha. Door di crea un voz uni, yuda sigura fuente sostenibel di financiacion, comparti recurso, habilidad y experiencia y promove divulgacion educativo y consciencia publico, DCNA por fortalece e red y por apoya e iniciativanan di conservacion di naturalesa den henter Caribe Hulandes. 

DCNA ta exita den duna Frédérique un bon bini y ta spera ansiosamente e rikeza di conocemento cu e ta trece cerca e team.