DCNA Ta Organisá Siman di Interkambio Junior Ranger 2022

All DC islands

Junior Ranger a kaba di sera nan evento anual di interkambio. Hóbennan di tur seis isla a bini huntu pa siña tokante e biodiversidat úniko ku tin denter di Karibe Hulandes i nan a pone piedra di fundeshi na e futuro kolaborashon interinsular. Ku bista di salimentu di solo riba laman mainta te na kaminata anochi bou di ‘night glow in the dark’, e studiantenan akí tabatin un siman yená ku rekuerdo ku nan lo tesorá pa bida largu.

Un pieda di fundeshi di Dutch Caribbean Nature Alliance (DCNA) ta e deseo di elevá edukashon ku ta enfoká riba naturalesa rònt Karibe Hulandes. Un di e hèrmèntnan disponibel pa e islanan ta empoderashon di hubentut, i kiko lo por ta un mihó manera pa hasi uso i kontrolá e energia akí ku ta pa medio di DCNA su programa di interkambio anual di Junior Ranger. E oportunidat úniko akí ta trese hóbennan di tur seis isla huntu pa siña tur kos tokante e biodiversidat eksepshonal ku Karibe Hulandes tin, i traha huntu pa desaroyá abilidatnan positivo, koperativo i sosial.

Servisionan di Ekosistema i Kon Nan ta Sostené Nos Tur! 

E tema di e interkambio di e aña akí tabata Servisionan di Ekosistema i Kon Nan ta Sostené Nos Tur! Hinter e siman, e Junior Rangernan a siña kon pa identifiká flora ku founa marino i terestre durante aktividat di snòrkel, di kaminata i di kore den kayak den e vários habitatnan rònt Statia i St Maarten.

E siman a start na Statia ku kampamentu den e hardinnan botániko, loke a krea e oportunidat perfekto pa tur hende bai den profundidat di naturalesa. Ningun hende no tabata parse di wòri pa lanta mainta tempran pa eksperensiá e magnífiko salimentu di solo na horizonte di laman. Durante dia, e Junior Rangernan por haña eksperensia di práktika den monitoreo di espesienan invasivo dor di bai riba patruya di yuana huntu ku rangernan di STENAPA. Dor di e monitoreo, kada ranger a siña pa hasi distinshon entre e diferente supespesienan di yuana i nan a siña dikon ta importante pa vigilá tendensianan den populashon.

Dahlia Hassell Knijff, DCNA su Projects Officer, ta agregá “E Interkambionan di Junior Ranger ku Dutch Caribbean Nature Alliance ta fasilitá e islanan di Hulanda Karibense ta oportunidatnan pa hóbennan eksplorá diferente medioambiente, krea amistat ku ta krusa frontera i mas importante ainda benta chispa riba nan kuriosidat pa e mundu di naturalesa pa medio di diferente aktividat. Komo ku DCNA su meta prinsipal ta pa sostené e parkenan lokal, nos ta enfoká riba krea diferente eksperensia pa hubentut den edukashon di naturalesa dor di sigurá ku interkambio entre e islanan por tuma lugá pa e gruponan akí.”

Islanan Nobo, Eksperensia Nobo

Hinter e siman e Junior Rangernan por a kompartí storia di nan propio isla, sea ku tabata durante un aktividat òf rònt di kampfür komiendo marshmallow. Kada partisipante tabata sorprendé ku, maske ku nan tur ta bisiña di otro isla, e ekosistema natural di kada isla tin su propio aspektonan. Sea ku tabata siña tokante espesienan kompletamente nobo, òf nan tabata simplemente hasi interkambio di nòmbernan lokal pa esunnan ku a siña, e studiantenan akí lo bandoná e isla ku un grado diverso di sabiduria lokal i amigunan nobo, algu ku DCNA ta spera lo kondusí na un bida largu di kolaborashon entre e islanan.

E siman tabata kargá ku un variedat di aktividat marino i terestre ku a entretené e Junior Rangernan for di mainta tempran te ora bira skur. Nan tabatin oportunidat di eksplorá e diferente ekosistemanan na Statia pa medio di hopi aktividat inkluso snòrkel miéntras ta desaroyá abilidat di identifiká piská i kon pa identifiká espesie di para. Na final di e siman akí, e rangernan por a disfrutá tambe di un mainta ku un paseo den kayak den e lagun di St. Maarten pa por haña un komprenshon di e ekosistema di palu di mangel (mangrove). Despues di mèrdia nan a bai siña tokante e impaktonan negativo di polushon di plèstik pa medio di un wega prèt den un pul.

“Tabata un honor pa STENAPA a risibí e Interkambio anual di Junior Ranger e aña akí. Nos a mira hóbennan di Karibe Hulandes disfrutá di edukashon di naturalesa i kompartí nan konosementu nobo di ekosistemanan i nan servisionan ku otro” segun Achsah Mitchell, STENAPA di DCNA su Ofisina di Edukashon/JRE i presidente di DCNA su Grupo di Trabou ‘Youth Participation’..

 

E evento aki a bira posibel ku sosten di Prins Bernhard Cultuur Fonds, World Wildlife Fund-Dutch Caribbean, i spònsernan di St. Maarten manera The Azure Hotel & Art Studio, Domino’s Pizza i Winair. Aktividatnan di DCNA tin sosten generoso di Nationale Postcode Loteria di Hulanda.

Interesá den djòin Junior Rangers? Tuma kontakto ku bo organisashon lokal di parke pa haña mas informashon!

Krédito di foto: Estela Grau i Monique Grol, JRE 2022

Would you like to contribute to BioNews
by sharing your news item?

Contact DCNA

Enjoying (Bio)News?

Stay up to date with our monthly digital newsletter which covers all the latest environmental news coming from the Dutch Caribbean.

Enter your email below to sign up!

Or follow us on Facebook