DCNA Junior Ranger Evento di Interkambio 2022

All DC islands

Dutch Caribbean Nature Alliance (DCNA) ku hopi entusiasmo ta anunsiá su Junior Ranger Evento di Interkambio 2022, ku lo tuma lugá na Statia di 30 di yüli pa 5 di ougùstùs.  Junior Rangernan for di Aruba, Boneiru, Saba, Statia i St. Maarten lo bini huntu pa siña tokante e biodiversidat úniko denter di Karibe hulandes, i traha pa desaroyá abilidatnan positivo, koperativo i sosial.

 

Kolaborashon entre e islanan

Junior Ranger Exchange Event 2019 Participants in Bonaire

E evento anual akí ta yuda konstruí sentido di komunidat i kolaborashon entre e islanan di Karibe hulandes dor di krea un generashon nobo di siudadanonan ku ta stima naturalesa. Kada aña, ta invitá dos junior ranger di 10 pa 13 aña di edat pa bini huntu i kompartí loke ku nan a siña tokante naturalesa riba e islanan akí.

Organisashonnan ku ta tuma parti na e evento e aña akí ta inkluí Fundacion Parke Nacional Aruba, Stinapa Bonaire, Saba Conservation Foundation, Stenapa St. Eustatius, i Nature Foundation St. Maarten. Dor di kombiná komponentenan edukashonal i sientífiko den e evento di interkambio, ta empoderá e partisipantenan pa kompartí idea i mehorá e konekshon entre e organisashonnan di maneho di áreanan protehá ku e programanan edukashonal.

 

Konstruyendo Resiliensia

Tema di e evento di e aña akí ta Servisionan di Ekosistema i Kon Nan ta Sostené Nos Tur. Komo islanan chikitu e region di Karibe hulandes lo haña su mes obligá di enfrentá algun di impaktonan mas signifikante di kambio di klima. Dunando protekshon na i mehorando e servisionan lokal di ekosistema na kada isla lo yuda konstruí resiliensia i sigurá ku kada isla ta kapas di prosperá pa e siguiente generashon. Durante e evento akí e Junior Rangernan lo desaroyá konsiensia e flora i founa mas importante di kada isla, siña tokante e importansia di biodiversidat i su konservashon komo reakshon riba kambio di klima i eksplorá diferente lenk entre hende ku naturalesa.

E programa akí ta risibí fondo di Prins Bernhard Cultuurfonds Caribisch Gebied, World Wildlife Fund (WWF-NL). Aktividatnan di DCNA ta risibí fondo generoso di parti di Nationale Postcode Loterij, anto e sponsornan lokal ‘Azure Beach Hotel’ na St. Maarten, Winair, i Dominoes Pizza a kontribuí elegantemente ku e evento akí.

 

Pa por sigui e desaroyo, keda den kontakto ku e páginanan di medionan sosial di DCNA – Facebook (Dutch Caribbean Nature Alliance), Instagram (dcnanature)! Pa entrevista, por fabor tuma kontakto ku Dahlia Hassell – Knijff, DCNA Agente di Proyekto na projects@dcnanature.org.

 

Would you like to contribute to BioNews
by sharing your news item?

Contact DCNA

Enjoying (Bio)News?

Stay up to date with our monthly digital newsletter which covers all the latest environmental news coming from the Dutch Caribbean.

Enter your email below to sign up!

Or follow us on Facebook