E Direktor di Dutch Caribbean Nature Alliance (DCNA) Tadzio Bervoets a anunsiá ku entrante fin di sèptèmber e ta entregá su puesto komo direktor.  

 “Ku pena na mi kurason mi ta anunsiá ku entrante medio sèptèmber mi no ta renobá mi puesto komo Direktor di Dutch Caribbean Nature Alliance. Durante tres aña fabuloso mi tabatin e oportunidat di guia e tremendo organisashon akí ku su direktiva i miembronan di tim ku ta traha ku asina tantu  dedikashon ku nunka mi a spera. Mi lo sigui sostené e Ret di Kontakto di DCNA i su organisashonnan miembro mas tantu posibel”, Bervoets a deklará. E ta regresá su isla nativo Sint Maarten. 

Ta duel DCNA ku e despedida di Tadzio Bervoets, nan lo bai pèrdè un empleado ku konosementu i ku entusiasmo, pero e organisashon no por hasi otro ku respetá e eskoho personal di e empleado. “Nos lo yama Tadzio di kurason masha danki pa tur kos ku el a hasi pa DCNA, su miembronan i naturalesa den e área di Karibe” sra. dr.mr. Hellen van der Wal kende ta presidente di DCNA a deklará, “i nos lo deseá Tadzio hopi prosperidat i éksito den su aventuranan nobo. Nos ta sigur ku nos kamindanan lo no separá di otro i ku e koperashon lo kontinuá di un otro forma.” 

Dutch Caribbean Nature Alliance (DCNA) ta un organisashon regional di organisashonnan di konservashon, inkluso e parke nashonalnan riba e seis islanan di Karibe Hulandes ku e meta di sostené i reforsá naturalesa riba e seis islanan di Karibe Hulandes (Aruba, Boneiru, Kòrsou, Saba, St. Eustatius i St. Maarten). 

E meta di DCNA ta pa protehá e rekursonan biológiko ekstensivo i promové desaroyo duradero di e rekursonan natural  riba e islanan akí, tantu riba tera komo den laman. Pa hasi esaki, DCNA ta desaroyando fuentenan di fondo duradero den estilo di ‘trust funds’, kreando kapasidat pa medio di tayer di training i promoviendo e naturalesa úniko i tremendamente bunita, di mondi di selva tropikal te na refnan di koral i dùin di santu di pèrla blanku. 

Photo from left: Former DCNA Director Tadzio Bervoets, Office Manager Emeray Martha-Neuman, Research and Communication Liaison Tineke van Bussel, Project Officer Dahlia Hassell and Office Assistant Judy Thode.