Oportunidad nobo di trabou na Secretariado di DCNA

All DC islands

Aumentando capacidad di recaudacion di fondo pa conservacion di biodiversidad den Caribe Hulandes

E ultimo aña Organisacion di Maneho di Area Protegi di Caribe Hulandes a percura pa un cantidad di desafio. E parkenan aki no solamente mester a soporta presion creciente di cambio di clima y deterioro di condicion ambiental, sino tambe e desafionan economico di e pandemia di COVID-19. E parkenan aki cu ta casi severamente subfinancia no a sobrevivi e crisis di COVID. Dutch Caribbean Nature Alliance (DCNA) ta buscando un miembro di personal, generosamente financia pa Vogelbescherming Nederland, pa enfoca riba aumento  di capacidad di recaudacion di fondo pa conservacion di biodiversidad den Lama Caribe. Proteccion di e areanan natural ta crucial pa desaroyo economico sostenibel di e islanan pa recupera di e pandemia y pa resisti e impactonan di cambio di clima.

E Organisacionnan di Maneho di Area Protegi di Caribe Hulandes ta hunga un papel vital den diseño, implementacion y maneho di e esfuersonan di conservacion di naturalesa. Como consecuencia di COVID-19 tur e organisacionnan di Maneho di Area Protegi den Caribe Hulandes a experimenta un caida significativo den e ingresonan debi na desaparicion di e tarifanan di usuario, pero tambe debi na e echo cu e gobiernonan local, nacional y di reino no ta considera e financiamiento estructural pa ehecucion di nan trabou critico di conservacion. Esakinan a resulta den e posibilidad real cu Organisacionnan di Maneho di Area Protegi mester reduci of stop cu nan operacionnan.

E proteccion di e areanan natural y e ecosistema y habitat critico cu ta asocia cu esaki ta  crucial pa desaroyo economico sostenibel di e islanan, specialmente considerando e impacto economico severo cu e pandemia tabatin den e comunidadnan cu mayor riesgo di consecuencia di cambo di clima dentro di Reino Hulandes.

E red di conservacion di DCNA ta brinda apoyo na e Organisacionnan di Maneho di Area Protegi den e seis islanan di Caribe Hulandes: Aruba National Park Foundation, STINAPA Bonaire, CARMABI Curaçao, STENAPA St. Eustatius, Saba Conservation Foundation y Sint Maarten Nature Foundation. E organisacionnan, incluyendo DCNA, por a proporciona fondo di emergencia a traves di Conservation Trust Fund di DCNA na e parkenan pa sobrevivi e pandemia di COVID-19. Pero esaki ta solamente suficiente pa brinda apoyo operativo a corto plaso. DCNA tambe a crea un Comite di Recaudacion di Fondo pa yuda cera e gap financiero. Sinembargo, tin necesidad di un miembro di personal dedica pa ehecuta y coordina e actividadnan di recaudacion di fondo manera describi pa Comite di Recaudacion di Fondo. E parkenan ta rekeri financiamiento constante riba termino largo pa garantisa cu por planifica y ehecuta strategia di conservacion critico den e añanan venidero.

Afortunadamente, Vogelbescherming Nederland a acedi generosamente pa financia un puesto den e Secretariado di DCNA pa concentra riba creacion di capacidad di financiamento pa conservacion di biodiversidad den Caribe Hulandes. E persona aki lo traha dentro di e  Secretariado di DCNA como Oficial Principal di Recaudacion di Fondo y lo ta responsabel pa desaroya solucion di financiamiento duradero pa e parkenan aki. E miembro nobo di personal aki lo tin e oportunidad unico di diseña y implementa un red di apoyo, integrando e partinan interesa, donantenan y trahadonan di maneho.

Ta spera cu e anuncio di  vacatura lo keda publica pronto. Tur e solicitantenan interesa mester sigui  e paginanan di red social di DCNA (Facebook, Instagram) y e website (https://dcnanature.org/news/) pa obtene actualisacion tocante e puesto a medida cu esakinan ta disponibel.

Director di Vogelbescherming Nederland, Fred Wouters (na man robes) y e presidente di DCNA, Hellen van der Wal (na man drechi), firmando e contrato pa un posicion di personal den Secretariado di DCNA pa focus riba aumento di capacidad di recaudacion di fondo pa conservacion di biodiversidad den Caribe Hulandes.

 

Would you like to contribute to BioNews
by sharing your news item?

Contact DCNA

Enjoying (Bio)News?

Stay up to date with our monthly digital newsletter which covers all the latest environmental news coming from the Dutch Caribbean.

Enter your email below to sign up!

Or follow us on Facebook