Dutch Caribbean Nature Alliance ta Lansa Wèpsait Nobo

All DC islands

 Ku Proyektonan relashoná ku Konservashon di Naturalesa, Notisia, Siensia, Legislashon i Edukashon pa Tur Seis Isla di Hulanda Karibense

Dutch Caribbean Nature Alliance (DCNA) a lansa su wèpsait nobo nobo. Den un komunikado ku e non-profit ret di kontakto di konservashon di naturalesa den Hulanda Karibense a saka, DCNA a duna vários aspekto importante di kon su wèpsait nobo lo bai fasilitá interkambio di informashon entre no solamente e miembronan di e ret di kontakto di konservashon pero tambe na públiko en general.

Tumando despedida di e wèpsait anterior, esun nobo lo kompartí vários portal di informashon interaktivo ku lo hasi interkambio di informashon tokante konservashon di naturalesa, maneho, investigashon, mónitòreo i proyektonan edukashonal denter di Hulanda Karibense muchu mas aksesibel.

Plataforma di notisia interaktivo

Riba e wèpsait nobo bishitantenan por haña e último notisia ku enfoke riba investigashon i proyektonan di mónitòreo ku orígen denter di Hulanda Karibense pa medio di un plataforma di notisia kompletamente interaktivo ku yama (Bio)News (https://dcnanature.org/news/), ku ta optimalisá tambe pa mira riba plataformanan mobil. Maske ku e wèpsait riba su mes lo ta na ingles, e diferente tópikonan di notisia lo ta tradusí na papiamento (Aruba), papiamentu (Kòrsou ku Boneiru) i na hulandes anto e tradukshonnan ta disponibel riba e wèpsait. BioNews ta haña sosten den un forma ku nos ta apresiá di parti di e Ministerio (hulandes) di Agrikultura, Naturalesa i Kalidat di Kuminda.

Konservashon di Naturalesa na Hulanda Karibense

Lo presentá tambe un resúmen di investigashon i mónitòreo di proyektonan aktivo na Hulanda Karibense i bishitantenan lo haña oportunidat di haña mas konosementu tokante e miembronan di e Ret di kontakto i e Sekretariado di DCNA. Tambe ta aksesibel un resúmen di e vários proyektonan di legislashon i di edukashon pa tur e seis islanan di Hulanda Karibense. Bishitantenan di e sait por haña akseso tambe na datonan di naturalesa i konservashon pa medio di lenknan ku bankonan regional di dato, inkluso for di e banko di dato di ‘Visitors to the Dutch Caribbean Biodiversity Database (DCBD)’, i lenknan pa wèpsaitnan di miembronan di DCNA i nan partnernan. Tambe por haña dokumentonan spesífiko di DCNA manera e Reportahenan di Éksito di Maneho di e Organisashonnan di Maneho di Áreanan Protehá (‘Management Success Reports for the Protected Area Management Organizations’) di tur e seis islanan huntu ku formanan kon pa embolbí habitantenan i turistanan den konservashon na nan respektivo isla pa medio di vakatura, trabou boluntario, grabashon di sitionan di naturalesa i di kandidatonan potensial pa formashon di partner.

“Mi ta gradisí spesialmente e outornan di e wèpsait; Bram Perry, Deviate Design, i Coastal Dynamics, pa nan sosten den desaroyo di e wèpsait i tambe e sostenedónan ku a kompartí material na e banko di pòrtrèt di DCNA (DCNA Photobank) ku a yuda nos hinka e naturalesa bunita di Hulanda Karibense den shokes di nos wèpsait nobo. Nos ta spera ku abo lo disfrutá di e wèpsait nobo i siña mas tokante konservashon di naturalesa den Hulanda Karibense” Tineke van Bussel, DCNA su Empleado pa Investigashon i Komunikashon i lider di desaroyo di e wèpsait nobo, a komentá.

DCNA su Wèpsait www.dcnanature.org, a bira realidat ku sosten kontinuo di parti di Postcode Lotterij (Hulanda).

 

 

Would you like to contribute to BioNews
by sharing your news item?

Contact DCNA

Enjoying (Bio)News?

Stay up to date with our monthly digital newsletter which covers all the latest environmental news coming from the Dutch Caribbean.

Enter your email below to sign up!

Or follow us on Facebook