DCNA su patrono Prensès Beatrix ta Risibí e Promé Ehemplar di “The Update On Severe State of Dutch Caribbean Protected Area Management Organizations During COVID19 Pandemic/ Info Tokante e Status Prekario di e Organisashonnan di Maneho di Áreanan Protehá Durante e Pandemia di COVID19”

All DC islands

Dutch Caribbean Nature Alliance (DCNA) resientemente a manda pa su Patrono, Mahestat Prensès Beatrix un memo tokante e status di e seis Organisashonnan di Maneho di Área Protehá na Hulanda Karibense, partikularmente pa loke ta regardá e impakto ku e pandemia di COVID-19 a hasi. DCNA a duna Prensès Beatrix spesialmente informashon resien di e retonan finansiero signifikante ku e Organisashonnan di Maneho di Áreanan Protehá ta konfrontando a kousa di e pandemia. E organisashonnan tin un papel indispensabel den maneho di e rekursonan natural ku ta kardinal den e desaroyo duradero di e islanan, pero tin chèns ku nan lo no sobrebibí e krísis di COVID-19 ku nan kapasidat aktual. Ta rekomendá gobièrnunan pa konsiderá di duna sosten finansiero struktural di manera ku e Organisashonnan di Maneho di Áreanan Protehá por kontinuá ku nan trabou vital di salbaguardiá naturalesa na Hulanda Karibense.

E Organisashonnan di Áreanan Protehá, Fundashon Parke Nacional Aruba, STINAPA Bonaire, CARMABI Curaçao, STENAPA St. Eustatius, Saba Conservation Foundation i Sint Maarten Nature Foundation, a sufri impakto negativo severamente dor di e pandemia global di COVID-19. Tur e Organisashonnan di Áreanan Protehá na Hulanda Karibense a haña nan konfrontá ku bahada signifikante den entrada pa motibu di desaparishon di kontribushon di bishitante pero tambe dor di falta di konsiderashon pa duna koperashon di parti di gobièrnunan lokal, nashonal i di Reino na duna fondo struktural pa ehekushon di nan trabou di konservashon indispensabel. Resultado di esaki ta posibilidat real ku e Organisashonnan di Maneho di Áreanan Protehá mester a baha man òf mester a stòp ku sierto operashonnan.Esaki miéntras ku Hulanda Karibense, segun e Konvenshon di Diversidat Biológiko, ta e área ku mas biodiversidat den Reino hulandes.

DCNA, i tambe su organisashonnan partner, di Fondo Mundial di Naturalesa di Hulanda  (WWF-NL) i Vogelbescherming Nederland, ta enfatisá ku:

– Kalidat di naturalesa na Hulanda Karibense ta deteriorá riba tur tereno

– E intentonan i finansiamentunan eksistente i ku ta mará na nan trabou no a logra di trese un paro na e deterioro akí

– E Organisashonnan di Maneho di Áreanan Protehá, tin un défisit severo di finansiamentu ku fondo i pues lo no sobrebibí e krísis di COVID-19

–  Tin nesesidat di un esfuerso kordiná rònt Reino hulandes pa konservashon di naturalesa den Hulanda Karibense, e foko di biodiversidat di Reino hulandes

Direktiva i personal di DCNA a traha ku dedikashon den asistensia di e Organisashonnan di Maneho di Áreanan di Protekshon di Naturalesa durante e krísis akí. Entre otro, den kolaborashon ku WWF-NL i Wolfs Company, DCNA a proveé STINAPA, Saba Conservation Foundation, STENAPA i Sint Maarten Nature Foundation ku un análisis di nan situashon finansiero durante e pandemia di COVID19 pa por identifiká e burakunan ku tin riba tereno di fondo. E estudio akí ta demostrá ku tin un chèns ku e Organisashonnan di Maneho di Áreanan di Protekshon lo no sobrebibí e krísis di COVID-19 ku e kapasidat aktual ku nan tin

E situashon pa e Organisashonnan di Maneho di Áreanan Protehá ta di nesesidat grandi. E impaktonan di COVID19 tabata grandi pa e organisashonnan ku, apesar di esaki, a kontinuá ku nan aktividatnan di konservashon. Grásias na e trabou ku e ret di kontakto di DCNA a hasi, a trese un tiki alivio di e impaktonan, pero tin un riesgo signifikante di dal porta sera i stòp ku e aktividatnan.

DCNA ta spera ku e diskushonnan tokante sosten di likides i paketenan di alivio finansiero lo inkluí tambe konsiderashonnan di kontinuidat di e maneho di áreanan protehá na Hulanda Karibense. Protekshon, maneho i konservashon di e rekursonan natural na Hulanda Karibense ku ta di suma importansia lo ta di importansia vital den reparashon di ekonomianan ku a haña sla grandi, despues di e pandemia di COVID-19.

Durante bishita di Prensès Beatrix na Boneiru na 2018 STINAPA tabatin e honor di a duna su Mahestat un paseo di Parke Nashonal Washington Slagbaai.

Would you like to contribute to BioNews
by sharing your news item?

Contact DCNA

Enjoying (Bio)News?

Stay up to date with our monthly digital newsletter which covers all the latest environmental news coming from the Dutch Caribbean.

Enter your email below to sign up!

Or follow us on Facebook