A traha material di informashon di espesienan di animal i mata protehá (CITES) Hulanda Karibense

Bonaire / Saba / Sint Eustatius

A traha material di informashon pa habitante- i turistanan na Boneiru, Saba i Sint Eustatius tokante reglanan internashonal pa hasimentu di negoshi ku espesienan di bestia i mata ku ta biba den naturalesa i ku ta menasá ku ekstinshon (konosí tambe komo CITES Tratado). Dutch Caribbean Nature Alliance (DCNA) riba enkargo di ministerio di Agrikultura, Naturalesa i Kalidat di kuminda (LNV) a traha poster, bòrchi i foyeto den 4 idioma (hulandes, ingles, papiamentu i spañó). Antisipando riba e momentu ku por risibí turista atrobe, a pone e materialnan aki na aeropuerto- i den haf- i ofisina- di gobièrnu, kantor- di duana, organisashon- di maneho di parkenan di naturalesa, skol- di buseo i hotèlnan na Hulanda Karibense. Di e forma akí DCNA i LNV kier hasi e hendenan mas konsiente di e status protehá di mata i animalnan na Hulanda Karibense, manera orkidia- i koralnan i ku no mag di bai ku nan sin mas.

Image credit: © Deviate Design & Mercedes Madriz

Konservashon di biodiversidat

E islanan di Hulanda Karibense tin un rikesa grandi na diversidat biológiko. Tin hopi espesie (espesienan endémiko) ku ta úniko pa un di e islanan i no ku ta aparesé na niun otro parti na mundu. CITES ta protehá kasi 200 espesie ku ta biba den naturalesa na Hulanda Karibense. Den esaki ta inkluí tur turtuga di laman, yuana i para di presa i distinto orkidia, yatu, espesie di bayena, chucho i espesie di para. E koralnan ku e islanan ta konosí pe, bibu òf morto, tambe ta protehá pa CITES i pues no mag bai ku nan (sin mas). Di akuerdo ku e reglanan di CITES por tin regla- i medidanan lokal mas estrikto tambe na vigor pa konservashon di e biodiversidat.

Kiko esaki ta nifiká den práktika?

Ta prohibí pa eksportá òf bai un otro pais – tambe di Hulanda Karibense pa Hulanda i vice versa – ku espesienan bibu òf morto ku ta riba e lista di CITES, sin un pèrmit di CITES. E reglanan ta konta tambe ora kier trese espesie- òf artefaktonan komo regalo òf pa propio uzo. Por pensa aki riba entre otro orkidia-, yatu-, koral-, kabai- di laman, tribon-, yuana- i paranan. E reglanan ta konta tambe pa parti- òf produktonan trahá di e espesienan akí, manera produktonan di konsumo i artíkulonan eksótiko di kueru, eskulturanan di palu, hoyanan, instrumentonan di muzik i remedinan lokal. Den sierto kasonan eksportá òf bin ku sierto espesie- òf artefaktonan ta totalmente prohibí. Violashon di e reglanan akí por kondusí na but i/òf persekushon penal.

Chèk adelantá: e ta protehá?

No ta pasobra por kumpr’é òf pasobra a hañ’é benta abou òf den laman, esei kier men ku ta permití pa bai kuné òf biaha kuné. Den kaso ku tin duda si por bai ku un espesie (òf un parti òf un produkto trahá di e espesie akí), por tuma kontakto ku e outoridat di CITES lokal na Rijksdienst Caribisch Nederland (RCN), Duana, entidatnan públiko òf organisashonnan ku ta manehá áreanan di naturalesa protehá.

Kiko CITES ta?

CITES ta e tratado ku ta regulá i, si ta nesesario, prohibí negoshi internashonal di espesienan di animal i mata menasá ku ekstinshon, pa preservashon di e espesie den naturalesa. Na e momentunan akí mas di 37.000 espesie di animal i mata ta protehá bou di e tratado di CITES. Pa por hasi negoshi den e espesienan akí tin mester di un pèrmit di CITES òf hasimentu di negoshi ta kompletamente prohibí, pasobra e espesie ta menasá seriamente ku ekstinshon. E reglanan no ta konta solamente pa e mata- i animalnan konserní, pero tambe pa parti- òf produktonan di nan.

# # #

Chèk e informashon di CITES pa Hulanda Karibense online: https://www.dcbd.nl/document/cites-communication-materials-bes

Pa mas informashon tokante CITES:

www.RijksdienstCN.com

www.RVO.nl/CITES

www.cites.org

Would you like to contribute to BioNews
by sharing your news item?

Contact DCNA

Enjoying (Bio)News?

Stay up to date with our monthly digital newsletter which covers all the latest environmental news coming from the Dutch Caribbean.

Enter your email below to sign up!

Or follow us on Facebook