Dutch Caribbean Nature Alliance ta tene su siguiente reunion di direktiva na Sint Maarten.

Ta risibí karta di sosten di Patrosinadó Real Prinsesa Beatrix di Hulanda

E organisashon di e ret di konservashon di naturalesa, Dutch Caribbean Nature Alliance (DCNA) ta organisá su siguiente reunion di direktiva na St. Maarten di 14 pa 17 di mart. Reunionnan di Direktiva di DCNA ta importante pa motibu ku ta diskutí i desaroyá strategia pa e plannan mas efektivo pa sostené organisashonnan di maneho di áreanan protehá e region di Karibe Hulandes, spesífikamente den e kuadro di e desafionan signifikante ku a bini aserka pa motibu di e pandemia di Covid-19 i e otro retonan ku e Organisashonnan di Maneho di Parke ta enfrentá. E Organisashonnan di Maneho di Parke lo tin tambe e oportunidat pa informá e partisipantenan tokante algun di e desafionan i éksitonan ku nan ta eksperensiá den nan kontinuashon ku protekshon di naturalesa den Karibe Hulandes. Ta tuma diferente desishon di direktiva durante e reunionnan bienal, inkluso desishonnan relatá na un bon maneho finansiero, repartishon di DCNA su Conservation Trust Fund i e sosten ku e ret di DCNA ta duna den forma di su lòbi regional i internashonal na nòmber di e organisashonnan di konservashon den Karibe Hulandes.  

E ret di konservashon di DCNA ta duna sosten na e Organisashonnan di Maneho di Áreanan Protehá di tur seis isla di Karibe Hulandes: Aruba National Parks Foundation, STINAPA Bonaire, CARMABI Kòrsou STENAPA St. Eustatius, Saba Conservation Foundation i St. Maarten Nature Foundation. Un otro komponente importante ku lo diskutí durante di e reunion di direktiva ta e importansia di implementashon di un strategia ku lo yuda promové desaroyo di turismo duradero pa e islanan, asina yuda saka Karibe Hulandes for di e desafionan pa motibu di e pandemia, ku un enfoke mas grandi riba ekonomianan bèrdè i blou. Banda di e managernan di konservashon i e diferente ekspertonan di direktiva di DCNA, opservadónan di Wereld Natuur Fonds Hulanda (WWF-NL), International Union for the Conservation of Nature (IUCN-NL), BirdLife Netherlands, Observation International i Ministerio di Agrikultura, Naturalesa i Kalidat di Kuminda (LNV) tambe lo partisipá na e reunionnan di DCNA su direktiva.

Resientemente Patrosinadó Real su Altesa Real Prinsesa Beatrix di Hulanda a elogiá e Ret di Organisashon di Konservashon pa nan Kongreso di Direktiva organisá na novèmber último na Kòrsou. Den un karta ofisial for di Kas Real pa e Presidente di DCNA dr. Hellen van der Wal, e Prinsesa a elogiá e organisashon pa su sosten kontinuo pa e organisashonnan di maneho di áreanan protehá riba tur seis isla i pa suministrá e organisashonnan ku rekursonan pa ehekutá nan tareanan.

Riba e portrèt DCNA su Manager di Ofisina Emeray Martha-Neuman ta entregá Patrosinadó Real Prinsesa Beatrix  un regalo pa motibu ku e ta Patrosinadó Real di DCNA pa 15 aña.

 

Would you like to contribute to BioNews
by sharing your news item?

Contact DCNA

Enjoying (Bio)News?

Stay up to date with our monthly digital newsletter which covers all the latest environmental news coming from the Dutch Caribbean.

Enter your email below to sign up!

Or follow us on Facebook