Ganadónan di Big Live Nature Quiz na Kòrsou, Aruba i Saba

All DC islands

Wega Prèt online tokante Naturalesa pa Karibe Hulandes 

Riba 22 di aprel, Dutch Caribbean Nature Alliance (DCNA) a tene su promé Big Live Nature Quiz pa adulto na Aruba, Boneiru, Kòrsou, Saba, Statia, i St. Maarten. Na total 150+ persona formando tim di 1-4 hungadó a partisipá na e kues ku a bai online i live. Despues di hopi tanda ku preguntanan interesante i inspirante tokante naturalesa, un tim na Kòrsou a gana. Di dos lugá a bai pa un tim na Aruba i e di tres lugá a bai pa un otro tim na Saba. 

A krea e Big Live Nature Quiz ku ta online pa eduká siudadanonan tokante naturalesa riba un manera prèt i interaktivo, pa lanta orguyo pa naturalesa di e isla, enkurashá práktikanan ku ta bon pa naturalesa, sostené e proyektonan di konservashon di e parkenan, i pa trese personanan rònt Hulanda Karibense den kontakto ku otro.  

Kues grátis kada aña pa Adulto i Mucha  

E meta ta pa hasi e kuesnan un evento anual pa tantu adulto komo mucha. Na 2020, a lansa e promé edishon pa mucha. Pa 2022, e edishon pa mucha aktualmente ta planeá pa kuminsamentu di òktober. Keda pendiente pa bo siguiente oportunidat pa bo siña mas tokante naturalesa di Hulanda Karibense. 

Kues Live i Interaktivo 

Timnan por a partisipá na dos forma. Sea ku timnan a haña invitashon pa hunga for di e base na kas/online huntu amigu i famia òf djòin e kues na un di e sitionan di transmishon na un bar .  

E ‘Quiz’ tabata online i bibu. Di e forma akí, tur e timnan di e islanan di Karibe Hulandes por a partisipá na mes momentu i tambe por komuniká ku otro i ku e anfitrion di e programa. 

Sitionan di transmishon tabata na Aruba: “Chaos Café”, “Hillside” na Boneiru, “Long Haul ” na Saba, Ocean View Terrace na St. Eustatius i “Dinghy Dock Sailors Bar” na St. Maarten. Un danki di kurason ta bai na STINAPA Bonaire, CARMABI na Kòrsou, Aruba National Park Foundation, Saba Conservation Foundation, STENAPA na St Eustatius, Nature Foundation Sint Maarten  i WeConnect pa nan sosten na e evento akí. 

Tema: Animal i mata ku ta kore peliger di ekstinshon  

E kues tabata konsistí di un total di 20 pregunta komun. E tabata presentá na ingles pero e preguntanan tabatin suptítulo na hulandes, papiamentu i papiamento. E preguntanan tabata tokante espesienan manera turtuga di laman, tribon i yuana.  

Ganadónan 

E promé lugá a bai pa “Vreemde Vogels” na Kòrsou. Nan lo risibí un paseo ku boto di bela ku posibilidat di snòrkel rondó di nan isla bunita. Di dos lugá a bai pa “Lucky’s Group Therapy” na Aruba i di tres lugá pa “What a Team” na Saba. Ganadónan di Boneiru a bira The Barracudas, di St. Maarten: Chicken Dinner (Emily Koch) i Statia: The Shallows. Nan a risibí premionan mas chikitu. Pabien na nan tur! 

Reakshon di un partisipante di BLNQ na Hillside Boneiru: “Tabata algu hopi prèt i mi a siña hopi tokante naturalesa. Asina bon ku tur e islanan di Hulanda Karibense por a partisipá en bibu. Mi tin hopi gana kaba den e kues di otro aña.” 

No pèrdè e siguiente Big Live Nature Quiz 

Kontrolá DCNA su Facebook (Dutch Caribbean Nature Alliance), Instagram (DCNAnature) òf BigLiveNatureQuiz.org pa mas informashon i pòrtrèt di e eventonan. Si tin kualke pregunta, manda un mensahe di meil pa info@DCNAnature.org òf yama na +599-717-5010. 

Big Live Nature Quiz ta haña fondo generoso di Ministerio di Agrikultura, Naturalesa i Kalidat di Kuminda (LNV) i e aktividatnan di DCNA ta haña sosten di Postcode Loterij di Hulanda.  

 

 

Would you like to contribute to BioNews
by sharing your news item?

Contact DCNA

Enjoying (Bio)News?

Stay up to date with our monthly digital newsletter which covers all the latest environmental news coming from the Dutch Caribbean.

Enter your email below to sign up!

Or follow us on Facebook