DCNA a organisá e segundo Big Live Nature Quiz for Kids

All DC islands

Dutch Caribbean Nature Alliance (DCNA) a organisá e segundo “Big Live Nature Quiz for Kids” di kada aña riba djárason, 20 di òktober 2021. E evento akí a trese huntu mas ku 100 ekipo di studiante di Aruba, Boneiru, Kòrsou, Saba, Statia, i Sint Maarten pa partisipá den kompetensia di un kues tokante naturalesa ku e chèns di gana un paseo pa bai snòrkel rònt di nan isla!  

DCNA, ku ta un ret di kontakto regional di e áreanan protehá ku a lanta pa asistí Gerensia di Organisashonnan di Área Protehá di e seis islanan, te ku aworakí a organisá tres evento di Big Live Nature Quiz. Ku inisio na 2020 a organisá dos kues pa studiantenan bibando na Karibe Hulandes i un evento pa adulto. Esaki ta un programa ku ta bai kontinuá, pues tene wowo habrí pa e siguiente edishon di Big Live Nature Quiz pa Adulto den primavera di 2022! 

E edishon di Big Live Nature Quiz- Kids tabata hopi eksitoso. Mas ku 100 ekipo di 1-4 studiante a partisipá na e evento, ku ta un forma interaktivo i kreativo pa siña tokante medioambiente natural di nan isla,” ta loke Leslie Hickerson & Dahlia Hassell a trese dilanti, nan ta e personanan ku ta organisá  DCNA su Big Live Nature Quiz. “Nos ta spera ku e partisipashon ta sigui krese segun nos ta sigui adaptá e evento akí, i e ta bai bira un pilá di Edukashon di Naturalesa na tur e islanan di Karibe Hulandes”  

E kues akí tabata habrí pa tur studiante di Karibe Hulandes den edat di 12-14 aña i a tuma lugá durante orario di skol pa por fasilitá aksesibilidat pa e studiantenan ku na kas lo no por tin akseso na internèt. Originalmente un konsepto diseñá komo un alternativa pa grupo di studiante, manera Junior Rangers, ku no por a biaha pa e otro islanan dor di restrikshonnan ku a bini na vigor dor di Covid 19. Lo sigui ofresé e kues Big Live Nature Quiz pa e islanan di Karibe Hulandes. Tema di e aña akí tabata Animalnan na Karibe Hulandes. E kategorianan tabata inkluí Bida Marino, Bida Terestre, Animalnan Spesial, i e sekshon ‘Hende den Naturalesa’.  

A krea e kategorianan akí hasiendo uso di solamente animalnan ku tin na e islanan Aruba, Boneiru, Kòrsou, Saba, Statia, i Sint Maarten. Esaki ta krea e oportunidat pa siña tokante e espesienan ku tin na nan islanan i den e áreanan bisindario. E sekshon spesial ‘Hende den Naturalesa’ a enfoká riba e impakto (tantu negativo komo positivo) ku hende por tin riba medioambiente. Por ehèmpel, un pregunta ku a bini dilanti, a puntra kon largu e uso promedio di un saku di plèstik ta, promé ku benta esaki afó; (e kontesta: 12 minüt)!  

Agentenan di Edukashon i di Outreach di e parkenan natural di Karibe Hulandes a yuda organisá e eventonan tokante nan respektivo islanan; STINAPA na Boneiru, CARMABI na Curaçao, Fundacion Parke Nacional Aruba, Saba Conservation Foundation, STENAPA na Statia i Nature Foundation Sint Maarten. E ganadó di e aña akí a bira un grupo di Saba, lo risibí un paseo pa bai snòrkel rònt di nan isla komo e premio grandi.  

Esaki no ta solamente un evento tremendo pa e studiante por tin interakshon di opinion ku otro i reta otro, pero e ta tambe un oportunidat fabuloso pa siña naturalesa. Edukashon di Naturalesa ta inspirá studiantenan pa krea un sentido di orguyo i responsabilidat pa protehá e rekursonan natural di kaminda nan ta biba. Kreando asina defensornan den nan komunidat pa pleita pa konservashon di nos medioambiente i espesienan nativo ku ta duna nos un aspekto spesial for di sobrá di mundu,” Leslie Hickerson & Dahlia Hassell a trese dilanti, nan ta e organisadónan di DCNA su Big Live Nature Quiz. 

Pa mas informashon tokante e evento akí i esunnan futuro, tira bista riba DCNA su Página di Facebook òf bai na www.DCNAnature.org

Would you like to contribute to BioNews
by sharing your news item?

Contact DCNA

Enjoying (Bio)News?

Stay up to date with our monthly digital newsletter which covers all the latest environmental news coming from the Dutch Caribbean.

Enter your email below to sign up!

Or follow us on Facebook