DCNA a organisa e di dos Big Live Nature Quiz- Kids

All DC islands

Dutch Caribbean Nature Alliance (DCNA) a organisa e di dos Gran Quiz Bibo di Naturalesa pa Mucha diaranson dia 20 di october 2021. E evento aki a reuni mas di 100 ekipo di studiante di Aruba, Boneiro, Corsou, Saba, Sint Eustatius y Sint Maarten pa competi den un quiz tocante naturalesa pa asina tin oportunidad di gana un snorkeltrip rond di su isla. 

DCNA, un red regional di area protegi estableci pa yuda e Organisacionnan di Maneho di Area Protegi di e seis islanan, a organisa te cu awor tres evento di Gran Quiz Bibo di Naturalesa. Desde 2020,  tabatin dos quiz dirigi riba e studianten cu ta biba den Caribe Hulandes y un evento pa adulto. Esaki ta un programa continuo, keda pendiente pa e proximo Gran Concurso di Naturalesa Bibo pa Adulto den primavera di 2022!  

“E edicion aki di Gran Quiz Bibo di Naturalesa- Mucha tabata un exito total. Mas di 100 ekipo consistiendo di 1 pa 4 studiante a participa na e evento, cual ta un forma interactiva y creativo pa e studiantenan siña tocante e ambiente natural di nan islanan ”, Leslie Hickerson y Dahlia Hassell, organisadonan di Big Live Nature Quiz di DCNA a bisa. “Nos ta spera cu e participacion lo sigui crece a medida cu nos ta adapta e evento aki, y e bira e piedra angular di educacion tocante naturalesa na tur e islanan di Caribe Hulandes” 

E quiz aki tabata disponibel pa tur studiante di Caribe Hulandes di 12 pa 14 aña y a tuma luga durante orario di scol pa facilita e accesibilidad pa e studiantenan cu no tin acceso na internet na cas. Crea originalmente como reaccion riba e incapacidad di e gruponan di studiante, manera Junior Rangers, pa biaha debi na a e restriccionnan vigente pa Covid-19; lo sigui ofrece Gran Quiz Bibo di Naturalesa pa apoya educacion tocante naturalesa na e islanan di Caribe Hulandes. E tema di e aña aki tabata “Animal di Caribe Hulandes”. E categorianan tabata entre otro Bida Marino, Bida riba Tera, Animal Special y e seccion “Hende den Naturalesa”. 

E categorianan aki a wordo crea utilisando solamente animal cu bo por topa riba e islanan  Aruba, Boneiro, Corsou, Saba, St. Eustatius y Sint Maarten. Esaki ta duna e studiantenan oportunidad di siña tocante e especienan cu tin na nan islanan y den e areanan den cercania. E seccion special “Hende den naturalesa” e impacto (tanto negativo como positivo) cu e sernan humano tin riba su ambiente tabata central. Por ehempel, un pregunta cu a wordo haci tabata cuanto tempo promedio un saco di plastic ta wordo uza prome cu tir’e afo (e contesta: 12 minuut)! 

E oficialnan di educacion y divulgacion di e parkenan di Caribe Hulandes a yuda organisa e eventonan na nan respectivo islanan; STINAPA Boneiro, CARMABI na Corsou, Aruba National Park Foundation, Saba Conservation Foundation, STENAPA na St Eustatius y Nature Foundation Sint Maarten. E ganadornan di e aña aki, un grupo di Saba, lo ricibi un snorkeltrip gratis rond di su isla como premio grandi. 

 “No ta solamente un gran evento pa e estudiantes interactua cu otro y pa nan desafia otro, sino tambe ta un oportunidad tremendo pa siña. Educacion di naturalesa ta inspira e studiantenan pa sinti nan mes orguyoso y responsabel di proteha e ambiente natural di nan hogarnan. Crea defensornan den nan comunidad pa preservacion di nos medio ambiente y e especienan nativo cu ta distingui nos di resto di mundo ”, Leslie Hickerson y Dahlia Hassel, organisadonan di Big Live Nature Quiz di DCNA a bisa. 

 Pa obtene mas informacion tocante e evento aki y futuro evento, consulta e page di Facebook di DCNA of bishita www.BigLiveNatureQuiz.org

Would you like to contribute to BioNews
by sharing your news item?

Contact DCNA

Enjoying (Bio)News?

Stay up to date with our monthly digital newsletter which covers all the latest environmental news coming from the Dutch Caribbean.

Enter your email below to sign up!

Or follow us on Facebook