Boneiru 2050, un vishon inkluyendo naturalesa

Bonaire

Resultadonan di un seri di seshon di diseño, tayer i entrevista ta deskribí un vishon pa Boneiru na 2050. Den e vishon akí, ku medida pa kombatí retonan pa kualke sektor, lo reforsá naturalesa tambe. Esaki nos ta yama un ‘vishon inkluyendo naturalesa’ (‘nature inclusive vision’). Un foyeto visual resientemente publiká, ta presentá bista di un futuro, den kua desaroyo ekonómiko i un sosiedat ku ta inkluí naturalesa, ta uni forsa, pa mantené loke ta balioso i pa drecha loke a sufri daño òf tin menasa di eksistensia.  

Siendo un isla tropikal chikitu, Boneiru ta riku na biodiversidat i ta kas pa un variedat grandi di área natural ku ta globalmente úniko. E áreanan akí ta base pa e kultura di Boneiru i importante pa protekshon di kosta i turismo. Na e mes momentu, tin hopi diferente forma di preshon ku ta kombení den krea impakto riba tantu naturalesa komo otro forma di uso di tera na e área chikitu akí.

Denter di konteksto di e Proyekto di Base di Konosementu di Universidat i Investigashon di Wageningen (WUR) ‘Planifikashon inkluyendo Naturalesa na islanan tropikal chikitu’ [‘Nature inclusive planning on small tropical islands’ (KB-36-005-002)], investigadónan di Investigashon Wageningen, ekspertonan di Boneiru i ekspertonan di Hulanda a desaroyá un vishon pa e isla na 2050. Ta resultado di un seri di seshon di diseño, entrevista i tayer ku: ekspertonan lokal, personanan ku ta den posishon di tomo di desishon i investigadónan riba tereno di naturalesa, rekreashon, agrikultura i gobernashon. Algun di e retonan ku a atendé durante e seshonnan akí ta inkluí maneho di kresementu di poblashon i turismo, prevení sifranan haltu di eroshon kousá pa krio di bestia ku ta kana rònt i buska kuminda, inyekshon di nobo di awa dushi den suela, oumentu di energia duradero i adaptashon na nivel di subimentu di nivel di altura di laman.

Huntu e investigadónan i e ekspertonan a proyektá potensia di medidanan di kresementu ku ta inkluí naturalesa i a deliberá unda i dikon i kon por a adaptá esakinan. E medidanan potensial akí ta inkluí por ehèmpel kosechá awa dushi via dak di edifisio, reforestashon i hòfinan ku ta krea área bèrdè hasiendo uso di espesienan krioyo, plantamentu di kuminda lokal, kreashon di kurá di yatu, instalashon di panel solar i restorashon di koral. E sorto di medidanan apliká ta dependé di e konteksto lokal i espasial: e karakterístikanan biofísiko, kultural i estétiko. Esaki ta loke ta hasi Boneiru asina interesante; e paisahe ta hopi diverso ku mondi seku di yatu, kunukunan tradishonal, kosta di koral, ref biodiverso, saliña ku salu ekstensivo, pueblonan vibrante i kushina tradishonal sabroso.

Ku planifikashon inkluyendo naturalesa, bo ta sigur ku ta krea un resultado positivo tantu pa naturalesa komo pa hende. Ku konosementu di ekspertonan i personanan ku ta den posishon di tomo di desishon di e isla mes i ku e entusiasmo di e komunidat lokal nos por krea un Boneiru bunita pa e futuro generashonnan, segun Peter Verweij kende ta lider di e proyekto

Den e foyeto a traha lista di e retonan ku Boneiru ta konfrontá, sostené pa evidensia den forma di gráfiko ku mapa i paisahe ku ta eksponé e medidanan ku ta inkluí naturalesa, ku a indiká, den kreashon visual tresdimenshonal di paisahenan. Por baha e foyeto na https://www.dcbd.nl/document/bonaire-2050-nature-inclusive-vision. E foyeto ta basá riba e rapòrt ku por baha for di internèt na: https://www.dcbd.nl/document/nature-inclusive-vision-bonaire-2050

More info in the Dutch Caribbean Biodiversity Database

Would you like to contribute to BioNews
by sharing your news item?

Contact DCNA

Enjoying (Bio)News?

Stay up to date with our monthly digital newsletter which covers all the latest environmental news coming from the Dutch Caribbean.

Enter your email below to sign up!

Or follow us on Facebook