Dutch Caribbean Nature Alliance ta Buska na Nivel Internashonal pa Oumento di Sosten pa Konservashon di Naturalesa na Karibe Hulandes

All DC islands

DCNA tabata aktivo ku promoshon di un agènda ku enfoke riba naturalesa, na Hulanda i riba nivel internashonal. Sea ku ta pa sostené e parke marino pa mamífero di laman i tribon ‘Yarari Marine Mammal and Shark Sanctuary’, òf ku ta pa realisá lasonan di partner òf ku ta pa presentá un Plan di Akshon di Klima, 2022 a bira un aña eksitoso pa esfuersonan di drecha konservashon di naturalesa denter di Karibe Hulandes

Un di e tantísimo metanan di DCNA ta pa promové maneho i propagá trabou, tantu den Hulanda komo riba tereno internashonal. Huntu ku e miembronan di DCNA su direktiva, e fundashon di ret di kontakto pa organisashon di konservashon a move aktivamente pa atendé ku polítikonan i agentenan di skirbi maneho pa por enfatisá e importansia di konservashon di naturalesa denter di Karibe Hulandes. Akibou ta sigui algun di e logronan di e trabou importante akí den e lunanan tras di lomba:

Lei di Realisashon di Yarari Sanctuary

Finalmente Konseho di Minister di Hulanda a aprobá riba djabièrnè 8 di yüli e lei di realisashon di e parke marino pa mamífero i tribon ‘Yarari Marine Mammal and Shark Sanctuary’. Esaki tabata un siguiente paso importante den protekshon di tribon, bayena i dòlfein den e awanan di Boneiru, Saba i Statia. For di momentu di apuntashon di e parke Yarari na 2015, DCNA tabata aktivamente embolbí den konsipiá e lei di realisashon i e organisashon ta kontentu di mira ku finalmente ta realisando e struktura di manehá e santuario.

Photo credit: Naturepics: Y.+T. Kühnast

Kolaborashonnan nobo

Na luna di yüni DCNA su organisashon partner Blue Marine Foundation a manda invitá DCNA pa bin Londres pa bin topa Lord Zach Goldsmith (Minister di e área di Pasífiko i di Medioambiente)  pa diskutí tokante Reino Uní su Programa di Faha Blou (Blue Belt Programme), un programa di sosten pa e Teritorionan Ultramar di Reino Uní pa sostené monitoreo i kontrol di peskeria. Huntu ku Blue Marine Foundation, DCNA aktualmente ta eksplorando si un programa similar lo por haña realisashon na Karibe Hulandes.

Plan di Akshon pa Klima

Na mei, komo parti di e bishita di trabou di DCNA na Hulanda, DCNA su direktor Tadzio Bervoets i presidente di direktiva Hellen van der Wal a presentá DCNA su Plan di Akshon pa Klima na Karibe Hulandes, na e Ministerio di Asuntu Interno i Relashon denter di Reino (BZK) i na e Ministerio di Klima ku un súplika na Gobièrnu di Hulanda pa traha aktivamente huntu ku stakeholdernan pa hasi Karibe Hulandes resistente na kambio di klima. Tambe a presentá e plan na e Parlamentarionan Jorien Wuite i Lammert van Raan durante un master charla ku nan a tene na Pulchri Studio na Den Haag.

DCNA lo kontinuá traha aktivamente pa yega na un forma di sosten mas strukturá pa Konservashon di Naturalesa denter di Hulanda Karibense. Tin algun proyekto nobo prometedor, manera sosten den implementashon di e Plan pa Maneho di Naturalesa i Medioambiente BES i e benidero Komitiva Konsehero Sientífiko i Tékniko (Scientific and Technical Advisory Committee/STAC) di  e protokòl pa Área Spesífikamente Protehá i di Naturalesa (Specifically Protected Areas and Wildlife / (SPAW). Bo por keda na altura di tur e último notisia di DCNA dor di registrá pa e boletin mensual BioNews dor di subi  na www.dcnanature.org/news.

Riba foto: Di robes pa drechi: DCNA su Direktor Tadzio Bervoets i DCNA su presidente Dr. Hellen van der Wal presentando e Plan pa Maneho di Naturalesa i Medioambiente na e Direktor General di Relashon denter di Reino sr. Henk Brons (Foto: Irene Kingma)

Would you like to contribute to BioNews
by sharing your news item?

Contact DCNA

Enjoying (Bio)News?

Stay up to date with our monthly digital newsletter which covers all the latest environmental news coming from the Dutch Caribbean.

Enter your email below to sign up!

Or follow us on Facebook